Grunn öryggismál

Við viljum því biðja um nokkra hluti sem eiga að fyrirbyggja óvænt og erfið atvik. 

• Ef þátttakandi er með astma, flogaveikið eða aðra heilsutengdar áskoranir sem gætu valdið því viðkomandi verði ófær um að bjarga sér á sjó biðjum við þig um að láta starfsfólk vita af þessu og láta okkur fá nauðsynleg lyf í vatnsheldum, merktum plastpoka. Leiðbeinandinn getur þannig haldið lyfinu á þurrum stað og við hendina.

• Ef þátttakandi er með hegðunaráskoranir, til að mynda kvíða eða annað sem getur valdið óöryggi, biðjum við um að fá að vita af þessu þegar mætt er í fyrsta tíma. Við fáum marga þátttakendur í starfsemi okkar og það er ill mögulegt að tengja saman skilaboð í símum/tölvupósti við einstaklinga þegar mætt er og allt fer í gang og því biðjum við um beint samtal. Allar þessar upplýsingar er farið með sem trúnaðarmál.

• Ef þátttakandi er með ógætilega hegðun eða hlýðir ekki beiðnum leiðbeinanda þannig að öðrum geti stafað hætta af verðum við því miður að vísa viðkomandi frá.

Þar fyrir utan

• Allir sem nálgast sjóinn á svæði okkar verða að vera í flotvestum yfir ystu flík. Þetta gildir jafnt fyrir þátttakendur og fyrir foreldra/vini/gesti sem eru á svæðinu og langar að fara niður á bryggju eða að bátunum.

• Í námskeiðum biðjum við um að símar séu skildir eftir í landi. Þessir gripir skemmast ef sjór kemur á þau og notkun þeirra hefur áhrif á athygli þátttakenda. Síma er hægt að geyma á skrifstofu félagsins.

Við erum stöðugt að endurmeta aðstæður og í sumum tilfellum verðum við að kalla alla inn af sjónum. Slíkt getur gerst ef veður breytist skyndilega eða ef slys verða á fólki og leiðbeinendur geta ekki haldið nægilegri athygli með svæðinu.