Siglingafélaginu Ými er hægt að skipta niður í þrennskonar starfsgreinar sem hvert um sig hefur fjögur verkefni fyrir höndum. Þetta er (vonandi) sett upp skýrt á skipuritinu að neðan. Starfsgreinarnar eru:

• • Kænustarf

  • Kjölbátastarf

  • Róðrarstarf

Þessi fjögur verkefni eru

• • Námskeið og kennsla

  • Æfingahópar

  • Tenging við sjálfboðaliða og áhugamenn

  • Keppnisstarf

Verkefni stjórnar er að hvetja meðlimi í hverjum þætti til dáða og vera síðan ekki fyrir þegar hugmyndir spretta upp. í verkefnum og störfum er mikill samgangur innan félagsins, öll erum við að njóta lífsins úti á sjónum okkar. 

Í öllum verkefnum okkar gerum við allt sem stendur til boða til þess að tryggja aðgengi óháð kyni, aldri, líkamlegri fötlun, eða kynvitund. 

Við fylgjum stífustu öryggiskröfum sem bjóðast. 

Við reynum í öllu að vernda náttúru og lífríki sjávar með því að draga úr notkun eiturefna, stilla hraða og hávaða í hóf og virða að umferð báta og landtaka áhafna getur valdi óþarfa álagi á dýralíf.

Hvað er hlutverk siglingafélaga?

Siglingafélög eru eins misjöfn eins og þau eru mörg. Við félagsmenn sem myndum þessa klúbba erum öll á mismunandi stað þegar kemur að siglingum og höfum mismunandi væntingar til hvað það er að vera að sigla. Í Ými höfum við reynt veita sem flestum félagsmönnum sem best aðgengi að sjónum. 

Myndin að ofan á að taka saman hæfileika og þekkingu sem við höfum þegar við nálgumst siglingar. Ýmir sinnir bæði byrjendum - gráu svæðin - og býður síðan félagsmönnum upp á félagsstarf - græna svæðið. Við erum ekki með rekstur sem tengist fagmennsku í siglingum, en félagsmenn okkar hafa tekið þessi störf að sér víða um land og erlendis. 

Hvar vilt þú vera í siglingum?