Siglingafélagið Ýmir er staðsett við Naustavör 14, 200 Kópavogi. Þar er flotbryggja og aðstaða með búningsherbergjum og sturtum. Einnig er góður salur á annarri hæð. 

Barnastarf félagsins fer fram þar og einnig fullorðinsnámskeið á kænum.

Fullorðinsnámskeið á kjölbátum, s.s. Hæfur háseti, hefjast oftast á flotbryggunni við Ingólfsgarð í Reykjavík. Nánar tiltekið beint fyrir aftan Hörpuna, í miðbæ Reykjavíkur.

Kjölbáturinn Sif er notaður í kennslu í námskeiðinu Hæfur háseti. Félagsmenn Ýmis sigla einnig á bátnum nær alla daga yfir sumartímann þegar hann er ekki í kennslu og kallast það áhafnasiglingar.

Sif er oftast staðsett við flotbryggjuna við Ingólfsgarð sem er fyrir aftan Hörpuna. Þó er henni einnig siglt yfir í Kópavog reglulega.

Barnastarf Ýmis fer fram við félagsheimili Ýmis að Naustavör 14 í Kópavogi. Þar er flotbryggja félagsins.

Félagsheimili Ýmis að Naustavör 14 í Kópavogi séð frá innsiglingunni inn í höfnina.

Við félagsheimilið er stórt og gott plan með rampi niður að sjó og göngubrú út á flotbryggjuna. Planið nýtist vel til að setja upp báta og skola af þeim eftir notkunn.