Áhafnasiglingar
Áhafnasiglingar á kjölbátum
Félagar í Ými geta átt kost á því að komast í áhöfn á kjölbátin Sif eða í áhafnir á kjölbáta sem eru í samstarfi við Ými.
Fastar áhafnir sigla 1 x í viku og greiða áhafnagjald fyrir sumarið. Mælst er til að áhafnir hafi farið á námskeiðið Hæfur háseti eða hafi aðra siglingareynslu.
Þegar farið er út á sjó þarf að minnsta kosti einn í áhöfninni að vera með skemmtibátaréttindi eða önnur skipstjórnarréttindi á seglbát. Í áhöfn eru 3-5 að meðtöldum skipstjóra.
Kjölbáturinn Sif er venjulega staðsettur við Reykjavíkurhöfn á sumrin og sigla áhafnir um Kollafjörðin, sem er mjög skemmtilegt siglingasvæði. Siglingarnar eru að meðaltali 3-4 klukkutímar í einu.
Fjölbreyttar áhafnir
Áhafnasiglingar eru fyrir 18 ára og eldri en sumarið 2024 er stefnt á að setja saman ungmenna áhöfn sem væri þá fyrir 16-25 ára.
Aðrar áhafnir sem við höfum verið með eru:
Kvenna áhöfnin Seiglurnar, hafa siglt á mánudögum
Keppnis áhöfn hefur keppt í þriðjudagskeppnum og öðrum keppnum
Á miðvikudögum og fimmdudögum hafa verið blandaðar áhafnir
Kjölbáturinn Sif
Skrá áhuga á að komast í áhafnasiglingar með Ými
Smelltu hér til að skrá áhuga þinn á að komast að í áhöfn á kjölbátin Sif eða í áhöfn á aðra kjölbáta sem eru í samstarfi við Ými um áhafnasiglingar.
Ef þú átt kjölbát og hefur áhuga á að koma í samstarf við Ými og fá áhafnir með þér á bátinn þá endlega sendu okkur tölvupóst á siglingafelag(hjá)siglingafelag.is