Námskeið
Siglingar út allt lífið
Siglingar eru íþrótt og útvist fyrir börn, unglinga og fullorðna á öllum aldri. Allir geta tekið þátt og lært að beisla vindinn og umgangast sjóinn af öryggi og kunnáttu.
Siglingar geta í gegnum leik og keppni byggt upp sjálfstraust, elft kunnáttu í sjómennsku og bætt heilsu.
Siglingafélagið Ýmir leggur metnað í að kenna nýliðum rétt handtök í siglingum og gefur félagsmönnum ómetanlegt aðgengi að þeirri gersemi sem sjórinn er í náttúru okkar.
Skráning á námskeið fer fram í gegnum Sprotabler og er opnað fyrir skráningu í kringum sumardaginn fyrsta ár hvert.
Námskeið:
Leikur við sjóinn
Viku langt leikjamiðað námskeið, haldið milli kl. 9:00 og 12:00 daglega (mán-fös). Börn læra að nálgast sjóinn af öryggi í gegnum leiki svo sem í kappróðri, jakahlaupi, sjósundi og veiðiferðum.
Aldurstakmark 9 ára (á árinu) til 14 ára.
Fjöldatakmörk 20 á hverju námskeiði.
Skráning á Sportabler.
Lærðu að sigla
Viku langt námskeið, sem er fyrsta skrefið til þess að læra á seglbát. Námskeiðið er byggt á formlegri námskrá World Sailing, en að því loknu eiga þátttakendur að skilja grunninn í stjórn seglbáta.
Námskeið fyrir börn (10 ára og eldri) eru frá kl. 13:00 til 16:00 (mán-fös).
Námskeið án aldurstakmarka (fyrir fullorðna) eru frá kl. 17:00 til 20:00 (mán-fös).
Hámarksfjöldi í námskeiði er 6-8.
Mælt er með að yngri nemendur fari á leikjanámskeiðið Leikur við sjóinn til þess að kynnast aðstæðum áður er þau læra á seglbát.
Skráning á Sportabler.
Klúbbverkefni í siglingum
Klúbbverkefni eru verkefni, þar sem þátttakendur takast á við áskorun sem tengist siglingum og bátastarfi. Hvert verkefni miðast við 18 klst á sjó, til dæmis þrjár klukkustundir þrisvar í viku í tvær vikur, eða þrjár klukkustundir tvisvar í viku í þrjár vikur.
Gert er ráð fyrir að þátttakendur hafi tekið grunn námskeið í siglingum og bátastarfi, t.d. Lærðu að sigla (fyrir siglingaverkefni) eða Leikur við sjóinn (fyrir náttúruskoðunarverkefni).
Klúbbverkefni í barnastarfi eru í gangi frá 13 til 16 daglega (mán-fös) .
Klúbbverkefni fyrir opin aldur eru milli 17 til 20 daglega (mán-fös).
Hópar A eru á mánudögum, miðvikudögum og föstudögum.
Hópar B eru á þriðjudögum og fimmtudögum.
Verkefni eru skipulögð miðað við færni og áhuga. Gert er ráð fyrir 4-8 í hverju verkefni og boðið er upp allt að þrjú mismunandi verkefnum á viku.
Verkefni eru til dæmis:
Náttúruskoðun á strandlengjunni: Þátttakendur ferðast um og skoða manngerða og náttúrulega strandlengju í Fossvoginum og á Skerjafirðinum. Einnig er farið út að Lambhúsaskerjum og Hólumunum á stórstraumsfjöru til þess að skoða dýralíf og gróðurfar.
Byrjaðu að sigla 3-2-1: Fyrir byrjendur sem hafa tekið Lærðu að sigla námskeiðið en vantar að komast út til þess að æfa sig undir eftirliti.
Sigldu betur: Stuðst er við verkefnahefti í siglingum sem byggja upp frekari færni og auka sjálfstæði. Verkefnin eru margskonar frá því að vera einföld upp í að vera flókin og blaut.
Sigldu lengra: Stuðst er við verkefnahefti þar sem lengri ferðalög eru undirbúin til þess að ferðast og skoða Skerjafjörðinn.
3-6-10: Fyrirfram ákveðnar æfingar sem unnar eru í vaxandi vindi, frá vægum (3 m/s) upp að stífum vindi (10 m/s).
Prófaðu þennan bát: Þátttakendur setja upp og sigla á mismunandi bátum félagsins, en um er að ræða níu mismunandi bátategundir.
Kepptu við mig: Farið er yfir helstu reglur í brautarkeppnum. Þátttakendur æfa ræsingar og keppa að lokum innan hópsins.
Kjölbátur 1: Þátttakendur fara út á kjölbáta félagsins og læra samvinnu og handtök.
Áhlaup á Brokey eða Þyt: Þátttakendur læra að keppa á RS Quest eða öðrum tvíhentum bát og skora síðan á keppnishóp Brokeyjar eða Þyts í match-race keppni. Önnur hugmynd er að hafa vikulega áskorun á þessa siglingaklúbba sem hluta af klúbbstarfinu.
Verkefni eru valin af hópnum hverju sinni.
Skráning á Sportabler.
Hæfur háseti - fyrstu kynni af kjölbátasiglingum
Þriggja daga námskeið fyrir 18 ára og eldri (föstudag, laugardag, sunnudag) þar sem farið er út á kjölbát félagsins með skipstjóra. Á námskeiðinu er farið yfir þau atriði sem þarf til þess að standast réttindi í skemmtibátaprófi.
Námskeiðin verða haldin ef 3 eða fleiri nemendur skrá sig. Hámark 5 nemendur.
Verð 45.000 kr.
Skráning á Sportabler.